قۇرئان تەپسىرى بلوگى

سۈرە ھەشر، 23-ئايەتنىڭ ئوچۇق تەرجىمىسى ﴿هُوَ اللَّـهُ الَّذِي لَا إِلَ ـٰ هَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ  ۚ سُبْحَانَ اللَّـهِ عَمَّا يُشْرِكُونَ ﴾ 59:23 ﴿ ئۇ ئاللاھ شۇنداق زاتتۇركى، ئۇنىڭدىن باشقا ھېچبىر ھەق ئىلاھ يوقتۇر. ئۇ ئەلمەلىكتۇر (جانلىق ۋە جانسىز ھەممە نەرسىنىڭ ئىگىسى، پۈتكۈل كائىناتنىڭ بىردىنبىر پادىشاھىدۇر)، ئەلقۇددۇستۇر (پاكتۇر)، ئەسسالامدۇر (زاتىدا، سۈپىتىدە ۋە پېئىللىرىدا بارچە ئەيب-نۇقساندىن خالىيدۇر)، ئەلمۇئمىندۇر (رەسۇل ۋە پەيغەمبەرلىرىنىڭ ھەقلىقىنى ئۇلارغا ئەۋەتكەن روشەن دەلىللىرى بىلەن تەستىقلىغۇچىدۇر)، ئەلمۇھەيمىندۇر (مەخلۇقاتنىڭ ئەھۋالىنى كۆزىتىپ تۇرغۇچىدۇر)، ئەلئەزىزدۇر (يۈكسەك كۈچ ساھىبى ۋە يېڭىلمەس غالىبتۇر)، ئەلجابباردۇر (پۈتۈن بەندىلىرىگە ھاكىم بولغۇچى ۋە پۈتكۈل مەۋجۇداتنى ئۆزىگە بويسۇندۇرغۇچى زاتتۇر)، ئەلمۇتەكەببىردۇر (بۈيۈكلۈك ۋە ئۇلۇغلۇقنىڭ يېگانە ساھىبىدۇر). ئاللاھ تائالا ئۇلارنىڭ  (مۇشرىكلارنىڭ ۋە ئۆزىگە توختاۋسىز رەۋىشتە ئىسيانكارلىق قىلغۇچىلارنىڭ ئاللاھنى سۈپ...

تەپسىرۇل مۇيەسسەردىن 56-سۈرە ۋاقىئەنىڭ تەپسىرى قۇرئان تەپسىرى بلوگى تەرجىمە قىلدى ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن [56:1] قىيامەت قايىم بولغان چاغدا، [56:2] ھېچكىم قىيامەتنىڭ قايىم بولغانلىقىنى يالغانغا چىقىرالمايدۇ. [56:3] قىيامەت ئاللاھنىڭ دۈشمەنلىرىنى جەھەننەم ئوتىدا (كۆيدۈرۈپ جازالاش ئارقىلىق) ئۇلارنى خارلىققا سالىدۇ. ئاللاھنىڭ دوستلىرىنى بولسا جەننەتكە يۈكسەلتىدۇ. [56:4] (قىيامەت بولغاندا) يەر يۈزى شىددەت بىلەن تەۋرەيدۇ؛ [56:5] تاغلار پارچىلىنىپ قۇمدەك بولۇپ كېتىدۇ، [56:6] شامالنىڭ سورۇشى بىلەن ھاۋادا ئۇچۇپ يۈرگەن توزان ھالىغا كېلىدۇ. [56:7] (قىيامەت كۈنى) ئى بەندىلەر! سىلەر ئۈچ پىرقىگە ئايرىلىسىلەر. [56:8] ئەمەل دەپتىرى ئوڭ تەرەپتىن بېرىلىدىغانلار ئوڭ تەرەپتىن جەننەتكە ئېلىپ بېرىلىدىغانلار بولۇپ (بۇلار سائادەتمەنلەردۇر)، ئۇلار جەننەتتىكى ئۈستۈن دەرىجىلەرنىڭ ئىگىلىرىدۇر. ئۇلارنىڭ دەرىجىلىرى نېمىدېگەن كاتتا! [56:9] ئەمەل دەپتىرى سول تەرەپتىن بېرىلىدىغانلار سول تەرەپتىن جەھەننەمگە تاشلىنىدىغانلار بولۇپ (بۇلار بەخىتسىزلەر پى...