تەپسىرۇل مۇيەسسەر: تەكاسۇر سۈرىسى تەپسىرى

تەپسىرۇل مۇيەسسەر: تەكاسۇر سۈرىسى تەپسىرى

[102:1] پۇل-مېلىڭلارنىڭ ۋە ئەۋلاتلىرىڭلارنىڭ كۆپلىكى بىلەن پەخىرلىنىش سىلەرنى مەشغۇل قىلىپ، ئاللاھقا ئىتائەت قىلىشتىن مەھرۇم قويدى.

[102:2] سىلەرنىڭ پۇل-مال ۋە ئەۋلاتلار بىلەن گول بولۇشۇڭلار تاكى قەبرىلەرگە دەپنە قىلىنغىنىڭلارغا قەدەر داۋاملاشتى.

[102:3] پۇل-مالنىڭ كۆپلىكى بىلەن پەخىرلىنىش سىلەرنى بۇنداق گوللىمىسۇن! سىلەر يېقىندا ئاخىرەت يۇرتىنىڭ سىلەر ئۈچۈن تېخىمۇ خەيرلىك ئىكەنلىكىنى چۈشىنىسىلەر.

[102:4] شۇنداق؛ پۇل-مال ۋە ئەۋلادلار بىلەن مەشغۇل بولۇپ، گوللىنىشتىن ساقلىنىڭلار! كەلگۈسىدە ئاخىرەتكە كۆڭۈلۈشىمىگەنلىكىڭلارنىڭ ۋابالىنى كۆرىسىلەر.

[102:5،6،7،8] پۇل-مالنىڭ كۆپلىكى بىلەن پەخىرلىنىش سىلەرنى بۇنداق گوللىمىسۇن! ئەگەر ئېنىق بىلىمگە ئىگە بولغان بولساڭلار پۇل-مالغا گول بولمايتتىڭلار ۋە ئۆزۈڭلارنى ھالاكەتتىن قۇتقۇزۇشقا يۈگۈرگەن بولاتتىڭلار. قەسەم قىلىمەنكى، سىلەر جەھەننەمنى كۆرىسىلەر. يەنە قەسەم قىلىمەنكى، سىلەر جەھەننەمنى شەك-شۈبھىسىز كۆرىسىلەر. ئاندىن يەنە قەسەم قىلىمەنكى، قىيامەت كۈنى (ئۆزۈڭلارغا بېرىلگەن) ھەر تۈرلۈك نېئمەتتىن سوراققا تارتىلىسىلەر.