3:186 ئى مۆمىنلەر! قەسەمكى، سىلەر ھەم ماللىرىڭلاردىن ـــ پەرز ۋە مۇستەھەپ يوللارغا ئۇنى سەرپ قىلىش ئارقىلىق ۋە شۇ ماللىرىڭلارغا كېلىدىغان مۇسىبەتلەر ئارقىلىق ـــ سىلىنىلىسىلەر

[3:186] ئى مۆمىنلەر! قەسەمكى، سىلەر ھەم ماللىرىڭلاردىن ـــ پەرز ۋە مۇستەھەپ يوللارغا ئۇنى سەرپ قىلىش ئارقىلىق ۋە شۇ ماللىرىڭلارغا كېلىدىغان مۇسىبەتلەر ئارقىلىق ـــ سىلىنىلىسىلەر؛ ھەمدە جانلىرىڭلاردىن ـــ پەرز بولغان ئىبادەتلەر بىلەن، بېشىڭلارغا كېلىدىغان يارىلىنىش، ئۆلتۈرلۈش ياكى ياخشى كۆرىدىغان كىشىلىرىڭلاردىن ئايرىلىپ قېلىش ئارقىلىق ـــ سىنىلىسىلەر. بۇ سىناق تاكى سەمىمىي مۆمىنلەر بىلەن ئۇنداق ئەمەسلەر (ئەمەلىيەت ئارقىلىق) ئايرىلغانغا  قەدەر داۋاملىشىدۇ. شۇنداقلا، سىلەر يەھۇدىي، خىرىستىئان ۋە مۇشرىكلاردىن شىرك سۆزلەر ۋە دىنىڭلارغا تىل ئۇزىتىش تىپىدىكى سىلەرنى راھەتسىز قىلىدىغان سۆزلەرنى ئاڭلايسىلەر. ئى مۇئمىنلەر! ئەگەر يۇقارقىلارنىڭ ھەممىسىگە سەبر قىلساڭلار، ئاللاھقا ئىتائەت قىلىشتا چىڭ تۇرۇپ، ئۇنىڭغا ئىسيانكارلىق قىلىشتىن ساقلىنىش بىلەن ئاللاھتىن قورقساڭلار، بىلىڭلاركى، بۇ بەل باغلاشقا ۋە بەسلىشىشكە تېگىشلىك (كاتتا) ئىشلار جۈملىسىدىندۇر. (3-سۈرە ئال ئىمران، 186-ئايەت؛ تەپسىرۇل مۇيەسسەر)